ختارات من الشعر الحساني (الحلقة الأولى)

لحلقة الأولى من هذه الحلقات نخصصها لنماذج من المدح للأدباء:

محمد عبد الرحمن ولد المبارك ولد يمين (قي مدح الشيخ ماء العينين).

المختار ولد عابدين ولد هدار (في مدح مولاي الحسن ولد المختار الحسن).

محمد عبد الله ولد محمد آسكر "انگوده" (في مدح محمد ولد حمدي ولد البارك).

على أن نواصل تقديم المزيد في حلقات قادمة بإذن الله تعالى.

يقول محمد عبد الرحمن ولد المبارك ولد يمين:

ربْْ العزّّّ وساكْْ ابلادْْ = = فيه عدتّْْ الْْ لّبلادْ اتشيطْْ

واعلََ كلْْ ابلدْ نوركْْ بادْ = = وابحورْْ النورْْ اعليكْ اتحيطْْ

وانتَ بحرْ المحيط ؤگاد = = اعل بحرْ المحيطْ اتحيطْ

ؤيسو تسمعْ ذاك الحسّاد = = ويطْ اصّ واللّ ماه ويطْ

معناكْ ؤمزّاكْ ؤمسواكْ = = والسرْ المكنون ؤور ذاكْ

الِّ يعرفْ گدُّ مولاكْ = = آن يغلبن بعد اظبيطْ

الِّ خالگ عنكْ وساك = = مولْ الملك الِّ بيه احيطْ

تغْزلْ فالدين الغزْلْ الحاك = = وادير الدنيّ فيه اشميطْ

تبرمْ فيه ؤتمحطْ حشاك = = لعدن يخلگ فيه استخييطْ

ؤلاه تبنيهْ ؤور مسداكْ = = من خوفْ الحايط بيه احيط

والِّ حسدك واللّ ناصاك = = ضامن ل بعدان تسليط..

رب العزّ.

المختار ولد عابدين ولد هدار:

نشهدْ واشهادِ ما ينگالْ = = ش فيه.. اعل جيهتْ تعدالْ

الناس، ؤنعرفْ زاد أحوالْ = = الناسْ، ؤسدّارْ، ؤمُلسنْ،

وامجرّبْ لقوالْ ؤلفعالْ، = = ؤلانِ زاد اسغيرْ فالسنْ...

عن متعدلْ ول المختالـْ = = للحسن ملايْ الحسنْ.

ويقول محمد عبد الله ولد محمد آسكر يمدح محمد ولد حمدي ولد البارك:

شيخ اعربْ كيفك مستحيلْ = = يول الباركْ يالعقيل

يالشيخْ الشرنيخْ الجزيل = = شيخ اعرب كيفكْ گاع امنين؟!

ما رين كيفكْ كونْ السيل = = واثرُ كيفك گاع امسيكين؟!

من گط اعطاهْ السيلْ الخيلْ = = واعطاهْ اتماگ الخيل الزينْ

واثر يحملْ ذاك امن امگيلْ = = وامباتْ الخطارْ ؤلعجين

واثرُ بوه الباركْ لصيلْ = = واثرُ عندُ منت المينْ

ماه كيفكْ كون افسبيل = = الهدْ.. امنين اهدْ امتين

ما يعرظلُ صنديد ارجيل = = ما عگبْ اهربْ لهروبْ الشين

ؤهو تأثيرُ حگ اكبيرْ = = بعد اسبوعْ ؤعامْ ؤعامين

وانت تاثيركْ يالبندير = = املگِّ فالساعَ والحين.

نقلا عن موقع التيسير